Лактофилтрум нь цусанд шимэгдэдгүй, гэдэсний ашигтай бактеруудыг тэтгэж, хоол боловсруулах зам, дотор гэдсийг цэвэрлэж, хортой нэгдэл, харшил төрүүлэгчдийг өөртөө шингээж 100% өтгөнөөр гадагшилдаг, байгалийн гаралтай бэлдмэл юм.

Үйлчилгээ: Детокс буюу биеийг хоргүйжүүлж, гэдсийг цэвэрлэнэ. Ингэснээр хоолны шингэц сайжирч, дархлаа тогтолцоо идэвхижих, бие сэргэж эрч хүчтэй болно. Пребиотик нь цэвэрлэгдсэн гэдсэнд ашигтай нян бактеруудыг нэмэгдүүлж гэдэсний хамгаалах хоригийг сэргээнэ.

Хэрэглэх заалт:

Бүх төрлийн шалтгаант гэдэсний микрофлорын алдагдлын дараа (гэдэсний дисбактериоз)
Антибиотик эмчилгээний дараа - гэдэсний хэвийн бичил орчинг тэнцвэржүүлэх,
Арьс, харшлын өвчнүүд (Атопик дерматит (псориаз, экзем диатез), чонон хөрвөс),маажуур, ягаан батга, энгийн батга (Шилжилтийн насны болон насанд хүрэгчдийн батгашилт)
Нянгийн гаралтай үтрээний үрэвсэл, вагиноз (үтрээний дисбиоз),
Гэдэс цочролын хам шинжийн цогц эмчилгээнд хавсарч хэрэглэх,
Элэгний гепатит ба цирроз,
Бодисын солилцооны хам шинж, хэвлийн таргалалт, жингийн илүүдэл
Өтгөн хаталт, арьс өнгөө алдаж хуурайших, үс, хумс хугарамтгай, гэмтэлтэй болох гэх мэт...

Хэрэглэх арга, тун: Курс эмчилгээний үргэлжлэх дундаж хугацаа 2-3 долоо хоног.

Хоол болон бусад төрлийн эм хэрэглэхээс 1 цагийн өмнө эсвэл 1 цагийн дараа хангалттай хэмжээний усаар даруулж ууна. Бага насны хүүхдэд урьдчилан нухаж жижиглээд, усаар даруулан уулгана.

12-с дээш насны хүүхэд болон насанд хүрэгсэд 2-3 шахмалаар өдөрт 3 удаа
8-12 насны хүүхдэд 1-2 шахмалаар өдөрт 3 удаа
3-7 насны хүүхдэд 1 шахмалаар өдөрт 3 удаа
1-3 настай хүүхдэд ½ шахмалаар өдөрт 3 удаа

Нянгийн гаралтай вагинозын (үтрээний дисбиоз) үед: 2 шахмалаар өдөрт 3 удаа.

Бэлдмэлийг удаан хугацаагаар хэрэглэх болон давтан курс эмчилгээг зөвхөн эмчийн заавраар хийнэ.

Найрлага: Лактулоз (Пребиотик) + Лигнин (энтеросорбент)

Лигнин - шингээх өндөр идэвхтэй, өвөрмөц бус хоргүйжүүлэх үйлдэлтэй, модлогийн бүрэлдэхүүнүүдийн гидролизын бүтээгдэхүүнээс тогтсон байгалийн гаралтай энтеросорбент. Эмгэг төрүүлэгч нян ба нянгийн хор, эмийн бэлдмэл, хүнд металлын давс, архи, харшил төрүүлэгч, мөн билирубин, холестрин, гистамин, серотонин, мочевин, эндогений хордлого өгдөг бусад метоболитууд зэрэг бодисын солилцооны зарим илүүдэл бодисуудтай гэдсэнд холбогдож, өөртөө шингээн биемахбодиос гадагшлуулдаг. Хоруу чанаргүй, шимэгддэггүй, 24 цагийн дотор гэдэснээс бүрэн ялгарч гардаг.

Лактулоза - галактоз ба фруктозын үлдэгдлээс тогтсон молекул бүхий нийлэг дисахарид. Лактулоза нь ходоод болон гэдэсний дээд хэсэгт шимэгддэггүй, гидролизд ордоггүй. Лактулоза нь гэдэсний хэвийн микрофлороор ферментжин субстрат хэлбэрээр бүдүүн гэдсэнд шахмалаас чөлөөлөгдөх бөгөөд бифидобактер болон лактобациллын өсөлтийг идэвхжүүлдэг. Лактулозагийн гидролизын үр дүнд эмгэг төрүүлэгч бичил биетний өсөлтийг дарангуйлах, мөн үүний нөлөөгөөр бий болох азот агуулсан хорт бодисуудын нөлөөг бууруулах үйлчилгээтэй органик хүчлүүд болох сүүний, цууны болон шоргоолжны хүчлүүд бүдүүн гэдсэнд бий болдог. Дурдагдсан үйл явцын нөлөөгөөр бүдүүн гэдэсний хөндийд осмос даралтыг нэмэгдэн, гүрвэлзэх хөдөлгөөнийг идэвхжинэ.

Бэлдмэл нь эндогений хоруу байдлын бууруулж, бүдүүн гэдэсний микробиоценозийг хэвийн болгоход цогц үйлчилгээ үзүүлэхэд чиглэгдсэн. Нянгийн гаралтай вагинозын( үтрээний дисбиоз) эмчилгээнд бэлдмэлийг хавсруулан хэрэглэвэл үтрээнд лактобациллын хэмжээ нэмэгдэн, мөн нөхцөлт-эмгэг төрүүлэгч флорын өсөлтийг үр дүнтэй дарангуйлах зэрэг эмчилгээний үр нөлөөг нэмэгдүүлнэ.

Хориглох заалт: Хувь хүн бэлдмэлд хэт мэдрэг байх, гэдэсний түгжрэл, ходоод-гэдэсний цус алдалт, галактоземи. Ходоод ба 12 нугалаа гэдэсний шархлаат өвчний хурц үед, гэдэсний атони үед бэлдмэлийг хэрэглэхгүй.

Гаж нөлөө: Бэлдмэлийн найрлага дахь бодист харшил өгч болно. Цөөн тохиолдолд гэдэс дүүрэх, суулгалт байж болно.

Тун хэтрэх: Шинж тэмдэг: өтгөн хатах, хэвлийгээр өвдөх. Эмчилгээ: бэлдмэлийн хэрэглээг зогсоох.

Бусад эмийн бэлдмэлтэй харилцан нөлөөлөл: Нэгэн зэрэг дотуур ууж хэрэглэсэн зарим бэлдмэлийн эмчилгээний үр дүн буурч болно.

Онцгой заалт: Бэлдмэлийг бусад эмийн бэлдмэлтэй хавсарсан эмчилгээнд хэрэглэж болох бөгөөд ингэхдээ тусдаа хэрэглэх дүрмийг баримтална.

Эмийн хэлбэр: Шахмал 1 хайрцагт 60 ширхэг савлагдсан.

Хадгалах нөхцөл: Чийг болон гэрлээс хамгаалан, +30С дээшгүй температурт хадгална. Хүүхэд хүрэхгүй газар хадгална.

Эмийн сангаас олгох нөхцөл: Жоргүй.

Эмчээс зөвлөгөө авах утас: 80903069

Бүтээгдэхүүн олдсонгүй